«Бизнеске арналған үкімет» ғимаратында «Атамекен» Қызылорда облысы кәсіпкерлер палатасының филиалы, аудандық кәсіпкерлік бөлімі және кәсіпкерлік саласына жауапты басқа да құрылымдар шоғырланған. Екінші деңгейлі банктерге филиалдарын отырғызуға ұсыныс жасалған. Ғимаратта қызмет көрсететін орындар, кездесулер өткізетін бөлімдер, семинарлар өткізетін мәжіліс залдары бар. Басты мақсат — кәсіпкерлерге қолайлы орта қалыптастыру.
Бизнес супермаркеті бұрынғы теміржол вокза лының ғимаратында орналасқан. «Қалауын тапса, қар жанады» демекші, ниет болса барлығын ауданда да жасауға болатынын Жалағаш ауданының әкімі Асылбек Шәменов пен оның командасы дәлелдеп жатыр. Басқа аудандарға — үлгі. Бизнеске арналған үкіметтің қызметі ауданда кәсіпкерлікті дамытуға септігін тигізетіні сөзсіз.
